السلام عليكم ورحمة الله ا بركاته
كلمتي في اعتكاف 2012 أنا كاتبها ل نفسي عشان مش عايز انساها
أنا كنت عايز أتكلم في 3 حاجات بس مافتكرتش منهم غير 2 بس :D
1- دايما ا الواحد فينا بيكون عايز .يغير حاجه معينه هو بيعملها غلط بس ساعات يبطل ويرجع تاني ويبطل ويرجع تاني يعملها.
ده لأن في قاعده مهمه جدا ساعات الواحد مش واخد باله منها لشيخ الإسلام ابن تيمية رحمه الله تعالى هي "إن لم تشغل نفسك بالحق شغلتك بالباطل"
فلازم قبل ماتفكر إنك تبطل الحاجه الغلط تفكر إيه اللي هتحطه مكانها في حياتك أو في الوقت اللي إنت كنت بتعمل الحاجة دي فيه لأن انت كده كده عندك 24 ساعة بس في اليوم مش هيجي يوم ويزيدو يعني
بالنسبالي مثلا كنت دايماا بسمع أغاني طول ما أنا بذاكر لحد ماقررت إني أبطلها لما عارفة إنها حرام بس كنت كل شوية أرجع أسمع تاني لسبب بسيط إني بزهق وأنا بذاكر لما بكون مش باسمع حاجة لحد ماسمعت المقولة دي فـقلت الحاجة اللي هدخلها هي الأناشيد زي بتاعت ماهر زين وكده وبطلت الأغاني خالص لدرجة إني كنت بتضايق لما بسمعها بعد كده
2- الحاجه التانية هي إن الواحد ساعات لما ممكن يطنش حاجة مايعملهاش لانها سنه مش فرض أو يقول مش هعملها أصلا زي ... برده أنا لقيت إن أنا كنت كده لأن حب الله وحب الرسول مكنش 100% جوايا, كان مجرد إني بقول كده زي أي حد ... لكن لو الواحد فَكر بتفكير الصحابه ... ماكانش عندهم حاجة اسمها مستحب ومكروه وفرض.... كانوا أول ما يعرفوا إن الرسول أمر بحاجه يعملوها من غير تفكير .... فقررت إني أبدأ باني أعرف السيرة النبويه عشان أعرف عن الرسول أكتر وأرتبط بيه أكتر وأقرأ كتاب الأحاديث القدسيه والحمدلله أنا دلوقتي قرأتهم :)
واحمد طامو كان اتكلم على القراءه وأهميتها مممممم ومش فاكر إيه تاني
No comments:
Post a Comment