السلام عليكم ورحمة الله وبركاته
حسيت من فتره بحبوب غريبه في جسمي فروحت للدكتور قالي عندك حاجه اسمها نخامه ورديه .. هو فيروس نادر شوية بس مفيهوش حاجة خطيرة يعني .. مش ده المهم
المهم إنه كتبلي أدوية ومنها حبوب اخدها كل يوم بالليل وجلسات أشعه فوق بنفسجيه 3 مرات في الأسبوع لمدة شهر.
االلي جه على بالي ساعتها إن الحبوب دي لو كانت الصبح مش بالليل كده يبقى عباده كامله اللي هي الصيام اتمسحت من حياتي لمدة شهر أو أكتر خصوصا إن أنا دايما ما عنديش وقت فـدي اضمن عباده متاخدش مني وقت....ده في المرض البسيط اللي عندي فمابالك لو كان مرض مزمن
ساعتها فعلا حسيت بالحديث بتاع اغتنم صحتك قبل سقمك
: قال رسول الله صلى الله عليه وسلم لرجل وهو يعظه : " اغتنم خمسا قبل خمس شبابك قبل هرمك وصحتك قبل سقمك وغناءك قبل فقرك وفراغك قبل شغلك وحياتك قبل موتك "
الحمد لله ..... اللهم أعنا على ذكرك وشكرك وحسن عبادتك
