وجهة نظر مقنعة الى حد ما

السلام عليكم و رحمة الله و بركاته

-تزايدت النقاشات بينى و بين اسلام فى فترة الاعتكاف ومنها موضوع اللحية واحنا بنتناقش هوا تقريبا فقد الأمل فيا راح رايح على الشيخ...

الام : يا شيخ هى اللحية فرض ولا سنة ؟؟؟؟

الشيخ : فرض طبعا

اسلام : طب قل له بقا.

انا : الرسول (ص) قال "حفوا الشارب و اطلقوا اللحى و خالفوا اليهود" بس دلوقتى اليهود مش شرط يطولوا شنبهم يبقى احنا مش شرط نطلق اللحى .

ثم ضحكت بداخلى ضحكتى المفضلة "مواهاهاهاهاهاهاهاهاهاهاهاهاهاهاهاهاهاهاها"

الشيخ (يتوجه الى بالنظر مبتسما) :

1- طب إنت ماتعرفش إن الحديث ده ليه اربعين رواية تانية مكتوب فيها الجزء الأول من الحديث من غير وخالفوا اليهود ؟؟؟؟؟؟؟؟ يعني معنى كده إن الرسول بيأمرنا بكده مش بيقولك تعمله ولا متعملوش يعني فرض مش سُنة وربنا قال "أطيعوا الله وأطيعوا الرسول" يعني لما متنفذش كلام الرسول تبقى بتعصي ربنا.

2- لما كسرى ملك الروم بعت رسله للرسول (ص) شافهم مطولين الشارب ومحلقين اللحية فـاعرض بوجهه عنهم و

قال لهم: من امركم بهذا

قالوا : ربنا كسرى

فـامسك بلحيته وقال : وامرني ربي بهذا.

فـإنت مش مستني إنك تيجي يوم القيامة ولما سيدنا محمد يشوفك يدور وشه عنك.

3-إنت لما بتشوف واحد صيني شكله بيبان عليه إنه صيني أو واحد امريكي أو واحد باكستاني كل واحد منهم ليه شكله الخاص بيه يعني ليه هوية خاصة بيه لكن إنت كمسلم إيه الحاجة اللي تميز شكلك يعني إيه هويتك.

4-عداد حسنات عَمَّال يعد طول ما أنت عايش وإنت مش خسران حاجة .....إنت دقنك دي مش شايلها في ايدك يعني

5-دقنك دي تعتبر دعوة الاسلام في حد ذاتها دعوة للإسلام.

أنا : طب في حاجة كده عايز اقولك عليها ......الصراحة يعني أنا ببقى افش كده من أي حد بدقن بأبقى حاسس إنه هيخنقني(رغم إن الشيخ نفسه بدقن D:)

ضحك الشيخ وقاللي : هو مش مجتمع الملتحين ده زي أي مجتمع تاني ممكن يبقى فيه واحد كويس وواحد وحش وواحد قليل الادب وواحد مربيها منظر وواحد محترم

وبعدين إنت لازم تعذره لانه واحد كل الناس عمالة تضطهدو على حاجة مش صح بس دي حاجة المفروض يفتخر بيها برغم إن اللي بيضطهده ده ممكن يكون هو واحد بيعمل حاجات زي الزفت ........بس أنا مش بقولك إن طريقة الكلام اللي هما بيكلموك بيها دي صح .أنا بعترف إنه غلط.